Эй…

Бугунь байрам, бугунь къуванч, козьайдын бугунь,

Буюрынъыз мусафирлер, бизим софрагъа.

Ойнап-кулюп, шенъленейик ярашсын дюгюнь,

Истегенлер къолын джайип чыкъсын ортагъа.

Чал хайтарма, ур чокъмарны, давул инълесин,

Чыкъ ортагъа яш гонъюллер яныкъ бильмесин.

Эй…

Къонакъбайнынъ бал-шарабы сувдайын акъсын,

Бизде адет – хошолмасы эльде къаделер.

Гурь халкъымыз келеджекке умютнен бакъсын,

Бизнен бирге яшарсынлар чалбаш деделер.

Чал хайтарма, учь чокъмарны, давул инълесин,

Чыкъ ортагъа яш гонъюллер яныкъ бильмесин.

Эй…

Бугунь байрам, бугунь къуванч, козьайдын бугунь,

Буюрынъыз мысафирлер, бизим софрагъа.

Ойнап-кулюп, шенъленейик ярашсын бугунь,

Истегенлер къолын джайип чыкъсын ортагъа.

Чал хайтарма учь чокърагъы давул инглесин

Чыкъ ортагъа яш гонюллер яныкъ бильмесин

Чал хайтарма учь чокърагъы давул инглесин

Чыкъ ортагъа яш гонюллер яныкъ бильмесин

Эй…