Мисхор къызы
Мисхор къызы, Мисхор къызы,
Сен аллар кий, мен къырмызы.
Фаэтонлара минсетейим,
Аллы да-морлу кийсетейим.
Багълама (2 кере):
Ах, джаным, Мисхор къызы,
Янакъларынъ ал-къырмызы.
Башынъа ал явлукъ байляйым,
Пармакъларынъ къыналайым.
Ал фистанынъ нагъышлайым,
Мараманъны къумушлейим.
Багълама (2 кере):
Ах, джаным, Мисхор къызы,
Янакъларынъ ал-къырмызы.
Дудагъынъдан баллар акъар,
Герданынъдан гуллер къокъур.
Янакъларынъ аллы-гуллю,
Кендиси де пек сабырлы.
Багълама (2 кере):
Ах, джаным, Мисхор къызы,
Янакъларынъ ал-къырмызы.