Шомпол
Акъ айдутлар кельдилер, аман, аман,
Хансарайда турдылар.
Бутюн халкъны-яш, къарт демей,
Шомполнен урдулар.
Бутюн халкъны-яш, къарт демей,
Шомполнен урдулар.
Багълама:
Сагъ яныма, сол яныма
Айланалмадым.
Аман да, достлар, шомпол ярасына
Даяналмадым.
Аман да, достлар, шомпол ярасына
Даяналмадым.
Багълама
Хансарайнынъ азбарында, аман, аман,
Меджлис де къурулды.
Юзь элли шомпол, ах, анечигим,
Манъа да урулды.
Юзь элли шомпол, ах, анечигим,
Манъа да урулды.
Багълама
Къара къалпакъ башымда, аман, аман,
Полковниклер къаршымда.
Ах, нелер кельди, вах, нелер кечти
Бу яшлыкъта башыма.
Ах, нелер кельди, вах, нелер кечти
Бу яшлыкъта башыма.
Багълама