Сыра-сыра джезвелер,

Къайнар да къайнарлар.

Алименинъ къашлары

Ойнар да ойнарлар.

Оф, яндым, амма, яндым амма!

Севдим Алимее машалла!

Алименинъ эллери

Чебердир, чебердир.

Алименинъ тишлери

Бем-беяз мермердир.

Оф, яндым, амма, яндым амма!

Севдим Алимее машалла!

Алименинъ сачлары

Къувурчыкъ зумбульдай.

Алименинъ эр сёзи

Санким бир бульбульдай.

Оф, яндым, амма, яндым амма!

Севдим Алимее машалла!

Олмады, олмады

Дердиме бир чаре.

Толдур фильджаны,

Ичейим бир къаве.

Оф, яндым, амма, яндым амма!

Яндым Алимее, машалла!

Оф, джезвесине,

Къавесине,

Эм Алимее машалла!