Ветанымнынъ хош аэнки...



⇦ къайтмакъ


Назлы-назлы

Назлы–назлы кель яныма,

Акъ эллеринъ сар бойнума.

Хаст эйлеме яш джаныма,

Инсаф эйле эля козьлюм.



Аман къыз, яман къыз

Алдатма мени, аман –

Алдап тюрлю беляларгъа

Огъратма мени.



Сачынъ, зульфинъ тарамазсынъ,

Кучюджиксинъ, ярамазсынъ,

Гонълюнъе тенъ буламазсынъ,

Сёйле нечюн эля козьлюм.



Аман къыз, яман къыз

Алдатма мени, аман –

Алдап тюрлю беляларгъа

Огъратма мени.