Порт-Артурнынъ маллеси,

Не буюктир къалеси.

Йыгъды-алды эвлятларны,

Агълап къалды анеси.

Агълама, анем, агълама, бабам,

Бельки чаре булуныр.

Агълама, анем, агълама, бабам,

Бельки чаре булуныр.

Кечти баарь, кельди кузь,

Агъламакътан шишти козь.

Порт-Артургъа кетемиз,

Сиз сагълыкънен къалынъыз.

Агълама, анем, агълама, бабам,

Бельки чаре булуныр.

Агълама, анем, агълама, бабам,

Бельки чаре булуныр.

Фильджан толу сувмыдыр,

Япон ёлу бумыдыр?

Аман, аман, падишаим,

Этеджегинъ бумыдыр.

Агълама, анем, агълама, бабам,

Бельки чаре булуныр.

Агълама, анем, агълама, бабам,

Бельки чаре булуныр.

Машиналар ягъланды,

Бир-бирине багъланды.

Порт-Артургъа баргъан сонъ

Къылыч-пычакъ къайралды.

Агълама, анем, агълама, бабам,

Бельки чаре булуныр.

Агълама, анем, агълама, бабам,

Бельки чаре булуныр.

Сельби киби боюмыз,

Агълап къалды союмыз.

Порт-Артурдан къайткъан сонъра,

Олур бизим тоюмыз.

Агълама, анем, агълама, бабам,

Бельки чаре булуныр.

Агълама, анем, агълама, бабам,

Бельки чаре булуныр.