Къаранфилим мор банъа,

Не хор бакътынъ сен манъа?

Хор бакътыгъын бильген олсам,

Гонълюм вермездим санъа.

Къаранфилим, гулюмсинъ,

Сен эр кезден дюльберсинъ,

Бар да ялвар ананъа,

Сени бизге джиберсинъ.

Къаранфиль къурутмадым,

Мен сени унутмадым.

Сенинъ джанынъ ынджытмадым,

Устюне яр тутмадым.

Къаранфиль оладжакъсынъ,

Сарарып соладжакъсынъ.

Мен бабанънен сёйлештим,

Сен меним оладжакъсынъ.