Ант эткенмен миллетимнинъ ярасыны сармагъа,

Насыл олсун, бу заваллы къардашларым чюрюсин?

Онлар ичюн окюнмесем, къайгъырмасам, янмасам,

Юрегимде къара къанлар къайнамасын, къурусын!

Ант эткенмен шу къаранлыкъ юрткъа шавле серпмеге,

Насыл олсун, эки къардаш бир-бирини корьмесин?

Буны корип бусанмасам, мугъаймасам, янмасам,

Козьлеримден акъкъан яшлар дерья-денъиз, къан олын.

Ант эткенмен, сёз бергенмен миллет ичюн ольмеге,

Билип, корип миллетимнинъ козьяшыны сильмеге.

Бильмей, корьмей бинъ яшасам, Къурултайлы Хан болсам,

Кене бир кунь мезарджылар келир мени коммеге.