Дагъларгъа бардым,

Бол нефес алдым.

Къая-ташны, денъиз, багъны

Гонълюмнен сардым.

Онынъ авасы!

Онынъ сефасы!

Эгер менден сорасанъыз,

Динъленъ авасын.

Бу дагълар гузель, бу багълар гузель,

Бу дияр гузельдир.

Бу денъиз гузель, бу къырлар гузель,

Урь Ветан бизимдир.

Дагъларгъа бардым,

Хаялгъа далдым.

Яшлыгъымны, достларымны,

Мен хатырладым.

Дагъларгъа бардым,

Даа барарым.

Достларымнен шенъ-шерамет

Ойнар-йырларым.