Буюканам Айвасыллы,

Азиз анам Гаспралы,

Бабам догъма Ауткалы,

Мен язылмыш Ялталы.

Дагъджылардыр Къызылташтан,

Яшадылар ялыбойда

Бугунь исе, Къырымда

Тамыры чокъ олардан.

Чёль тарафы манъа якъын,

Къарышылды къанымыз…

Чешит тюрлю къабиледен

Яратылды халкъымыз.

«Татар» десенъ – анъламайым

Я олар да ким экен?

Мен бу ерли – къырымлыйым

Къырым адымны билем.

Халкъымызнынъ бир тили бар,

О да Къырым сёзюнден –

Къырым, къырым къырымлылар…

Лагъап чыкъты козюмден.

Къырым бизим Ветанымыз,

Къырым бизим тилимиз,

Къырым бизим миллетимиз,

Джандан севген илимиз!