– Сенинъ ананъ Ламамы? – сорадым мен Дейв достумдан.

– Хайыр, о Лама дегиль, – джевап берди Дейв. – О, аякъларынен асылып – илинип тура, къобада яшай. Мен Ламаларнынъ бойле даврангънларына инанмайым.

– О-о! – дедим мен. – Сен бу ерде догъру айтасынъ. Мен беллесем, сенинъ ананъ зиядедже... Елькъанаткъа (летучая мышь) бенъзей!

– Лама сенинъ ананъмы? – сорадым мен Фред достумдан.

– Ёкъ, о лама дегиль, – деди Фред. – Онынъ узун бир боюну, беяз тюклери ве къанатлары бар. Занымджа, Ламада бу шейлернинъ ич бириси ёкъ.

– О-о! – дедим мен. – Энди лакъырдыны девам этмеге аджет ёкъ. Менимдже, сенинъ ананъ... Акъкъу (лебедь)!

– Сенинъ ананъ Ламамы? – сорадым мен Джейн достумдан.

– Хайыр, о Лама дегиль! – незакет иле (вежливо) анълатты Джейн. О, яйлаларда отлай, «Му-у-у!» демеге севе. Мен беллесем, Лама ойле шейлер япмаса керек.

– О –о! – дедим мен. «Энди анъладым. Меним фикиремдже, сенинъ ананъ... Сыгъыр олмалы!

– Сенинъ ананъ Ламамы? – сорадым мен Клайд достумдан.

– Ёкъ, о Лама дегиль, – джевап берди Клайд. – Онынъ юзгечлери (ласты) ве мыйыкълары бар, бутюн кунь балыкъ ашай... Мен беллесем, Ламалар бойле арекет этмейлер.

– О-о, – дедим мен. – Сенинъ ананъ аслы да... Денъиз Джанары (тюлень) олса керек!

– Лама сенинъ ананъмы? – сорадым мен Ронда достумдан.

– Хайыр, о лама дегиль! – джевап берди Ронда. – Онынъ буюк арт аякълары ве мени ташымакъ ичюн джеби бар... Демек, меним анълагъаныма коре, Лама деген Ламада бойле шей ёкъ.

– О-о! – дедим мен. – Эльбетте, бу сенинъ айткъанларынъ догъру. Мен беллесем, сенинъ ананъ... Кенгуру!

– Сенинъ ананъ Ламамы? – сорадым мен Ллин достумдан.

– О, Ллойд, озюнъи акъмакълыкъкъа урма! – деди Ллин кулюмсиреп. – Меним анамнынъ балабан къулакълары, узун кирпиклери ве тюкю бар... Сен буны бильмек керексинъ! Бизим аналарымыз бир сюрюден. Сен де Ламалар акъкъында эр шейни билесинъ, чюнки сен олардан бириси!

– Эбет, догъру айтасынъ, – дедим мен достума. – Меним анам... Лама!

Албу исе, икяемизнинъ... СОНЪУ.