— Айт, Юртум, ким эвлядынъ,

Адынъы кимге бердинъ?

Ким чеке асретлигинъ,

Кимсиз яна юрегинъ?

Ер алды агъыр нефес,

Дагъ-ташлар къыбырдады,

Коклерден энди бир сес:

«Къырымлы онынъ ады!»

«Къырымлы — джан эвлядым,

— Деп, джевап берди Къырым,

— Къырымлар ташый адым,

Миллетни мен яраттым!

Пек мешурдыр дюньяда

Далапкяр къырым халкъы.

Бу халкънынъ эви мында,

Топрагъым — онынъ акъкъы.

Халкъыма элял олсун,

Меним бол берекетим.

Ач, Мевлям, бахтлы ёлунъ,

Бер онъа кучь-къудретинъ!»

Бельбек бою... Дюльбер ерлер,

Этрафында эски койлер:

Фоти-Сала, Янджу, Албат...

Мында зенгиндир табиат.

Эр бир дагънынъ ады олгъан,

Эдждатларым адландыргъан...

Бойка, Тильки, Бурун-Къая —

Халкъ оларны севип-сая.

Албат ве Сюйреннинъ дагъы,

Шу койлернинъ юзь-байрагъы,

Эфсаневий бир бенеги —

Бурун-Къая — джан юреги.

Асырларнынъ ичерсинден,

Заманларнынъ пердесинден

Къая чыкъкъан ер юзюне,

Бекчи олуп койлерине.

Бир кунь Къаянынъ устюне

Чыкътым мен, тамам тёрюне.

Пек болдурдым, бир ял алдым,

Терен хаялларгъа далдым…

Дженнет киби бу ер эди…

Къальбим, ничюндир, узюльди,

Апансыздан кок тепренди…

Бакъсам, коктен атлы энди.

Мен атлыгъа селям бердим,

Бираз башымны эндирдим.

Уйкенлерге япмакъ урьмет,

Бизде яхшы адет, эбет.

Селям алгъан сонъ о манъа:

«Бир суалим бардыр санъа» –

Деп сёз къошты. Бутюн теним

Тап бир тюрлю олду меним.

Худжур алгъа къалдым, корем

Джевап бермеге ёкъ чарем.

Агъзым ачсам, давуш чыкъмай,

Къатты ургъан юрек тынмай.

Шу алымны дуйды атлы,

Сыкъылгъаным абайлады.

Чырайыны о йымшатты,

Манъа тараф адым атты.

– Эбет, – деди, – хаялынъа

Кельдим бу ань мен янынъа,

Бир меселе мени къозгъай:

Ничюн ятлар сизни къыйнай?

Бизлер ханлыкъ заманында

Тиз чёкмедик ят къатында.

Нелер олду, огълум, сизге?

Бу ал ярашмай ич бизге.

Халкъ тарихын окъуп огрен…

Темелини бильсенъ терен

Йыкъмаз сени тюрлю боран,

Уйдурмалар, фитне, ялан.

Адымызны силип атмакъ,

Озьлерине ыргъат япмакъ,

Душман чокътан ниет эткен,

О пек хасис, аалчакъ экен.

Лякин, джинаетчи мараз,

Етмез макъсадына, онъмаз.

Налет ягъар сыфатына,

Къалыр къаргъыш афатына.

Эминим мен, кунеш догъар,

Такъдир бизге кулюп бакъар,

Етер ки, бир олсун ниет,

Гъалебеге етер миллет!

Бу сёзлерни айтып мине,

Ат сабысы дюльдюлине.

Йылым-йылым ат йылтырай,

Туягъындан ель къалтырай.

Яшын киби тургъан ерден

Дюльдюль гъайып ола бирден...

Ашыкъмайып Бельбек акъа,

Айрет къалдым онъа бакъа...

Албатнынъ гузель къызы,—

Гурь сачлы, къара къашлы,

Янакълары къырмызы

Сёзлери балдан татлы.

Корьдим мен сени ёлда,

Олдым пек ашыкъ санъа.

Кальбиме кирди севда,

Ёкъ юкъу энди манъа.

Не алгъа къалдым, бильмем,

Дердиме дерман тапмам.

Тек сени корьсем, ярем,

Пешинъден юрип, къалмам.

Къырымнынъ парылдагъан

Йылдызларындан бири,

Бу шиир багъышлангъан

Тек санъа — къальбим пири!

Берабер бу омюрде

Къурайыкъ биз турмушны.

Баба-деде эвинде

Сёндюрмейик оджакъны.

Умюдим санъа багълы—

Албатнынъ гузель къызы.

Меним ол, къара къашлы,

Къальбимнинъ танъ йылдызы!

Багъчасарайнынъ ёллары,

Онынъ эски сокъакълары,

Бир кунь мени къаршылады,

Манъа ильхам багъышлады.

Салачыкънынъ дживарында,

Чурюк-Сунынъ ялысында,

Ветандашым къургъан тыйнакъ,

Риджа этем, сен бар да бакъ.

Гюгюмлернинъ ичерсинден

Сувлар акъа эр биринден.

Ве шу темиз, буллюр сувлар

Озь йырыны санъа йырлар.

Бу дженнетнинъ бир кошеси,

Бульбуль киби сувнынъ сеси,

Азбарында бар шелляле,

Этрафында чечек, ляле.

Муштерилер иче къаве,

Къаве ичмек эр ким севе,

Ичкен билир эм файдасын,

Эм де дадын ве сефасын.

Мемнюн олдум кельгениме,

«Керван сарай» къавесине.

Мында сизге бизим яшлар

Теклиф этер гузель ашлар…

Эй, Салачыкъ, Керван сарай,

Багъчасарай ве Хансарай,

Къайтып кельди эвлятларынъ,

Сени севген балаларынъ.

Мен де санъа асрет эдим,

Бир къуш киби келип эндим

Баба-деде топрагъына,

Ана-Юртнынъ кучагъына.

Эфсаневий Багъчасарай,

Багъларынъны еллер тарай,

Эзан сеси джамилерде

Мельэм ола юреклерде.

Къырымнынъ юксек дагъы

Кърталнынъ эви олды.

Яшлыкътан такъатлыгъын

Шу коклерден о алды.

Вакътында буюк урьмет

Къарталгъа олгъан мында.

Этрафы исе къысмет

Толгъан о заманларда!

Бу чаир ве орманлар

Корьген аджайип куньлер.

Къолум-къомшу эм достлар

Мусафир олгъан дейлер!

Кель заман ве кет заман

Къушны басты хасталыкъ,

Этрафын сарды душман,

Чаресиз къалды артыкъ!

Учмагьа такъат тапмай,

Къуш ята юксек дагъда.

Эр боджек оны талай,

Ёкъ достлары янында!

Бир куню къартал турды,

Серди эки къанатын.

Къаядан озюн атты,

Ель туты озь эвлядын!

Дагъ ели – бабалыгъы,

Котерди къушны юксек.

Тюшмеди онынъ сырты

Къаядан олуп юксек!

Ель оны рухландырды,

Умютин кестирмеди.

Яш девирин анъдырды

Ольмеге ёл бермеди!

Кунь бою къартал учар –

Козь ташлар этрафларгъа.

Душманлар ондан къачар –

О саип бу дагъларгъа!

Таракъташнынъ бир четинде,

Купе-Дагънынъ этегинде,

Эдждатлардан къалгъан чокъракъ...

Ниет эттим онъа бармакъ.

Тюштим ёлгъа, ёлум агъыр,

Коктен эп сепелей ягъмур.

Яваш-яваш кетем ёлда,

Ешиль дагълар этрафымда.

Чегерликтен кечтим, сонъра

Козьге тюшти буюк къора.

Тамам онынъ меркезинде

Чокъракъ олгъаны эсимде.

Лякин суву къуруп къалгъан,

Чокъракъ козюн топракъ баскъан.

Нидже йыллар девамында

Адам келялмагъан мында.

Чубукъ алдым мен элиме,

Чёктим ерге бир тизиме

Ве къармалап къаздым ерни —

Ачтым чокъракънынъ козюни.

Сув фышкъырып бирден урды,

Санки дерсинъ о къутурды.

Корьсенъ онынъ акъкъаныны,

Ер ичинден чыкъкъаныны!

Севинчимден тап секирдим,

Сувгъа тёктим олгъан дердим.

Эльни-бетни салкъын сувда

Ювуп алдым шу арада.

Чешме козюн ачкъан адам—

Севап япар, — деген Мевлям.

Сув ичкенден дуа алыр,

Тарихлерде ады къалыр.

Бир тамчынынъ кучю неде?

Зайыфтыр о, лякин ерде

Олгъан ташны тешер, ояр,

Дарма-дагъын этип къояр!

Сувдан ибрет алсын миллет,

Тамчылардан сув ибарет.

Бирлик олуп бир ёл сечсе,

Токътатамаз оны кимсе!

Куньлер келир, куньлер кечер,

Токътав ич ёкътыр дюньяда.

Эр ким озь кысметин ичер

Узун-къыскъа бу ёлларда.

Эр бир дакъкъа, гедже-куньдюз

Теспи чекер аят бизге.

Омюр ёлу олмаз тюм-тюз,

Малюмдыр о эпимизге.

Бу дюньяда дирек олып

Бир кимсе къалмагъан, къардаш.

Халкътан айры, четте къалып,

Хорланма сен, эй, ветандаш!

Пек ялварам, джойма вакътынъ,

Кечкен куньлер о бир алтын.

Топла кучюнъ ве такъатынъ,

Элял чалыш ве тап бахтынъ.

Инсан омрю, оны сен биль,

О, Алладан бир эманет.

Темелимиз — Ветан ве Тиль,

Оны джойсакъ, гъайып миллет!

Улу-Сала дживарында,

Ешиль дагълар багъырында,

Тура бир хатыра ташы,

Алев шекилинде башы.

Боранлы ягъмурлар ягъса,

Ве этрафы къаргъа толса,

Алеви сёнмей бу ташнынъ,

Акъызмай мермер козьяшын.

Ннсан огълу инсан, яваш!

Токъта бир ань, ташкъа янаш.

Валла-билля, джанынъ сезер

Насыл инълей эм таш, эм ер!

Авджы, Стиля, Улу-Сала...

Халкъын душман апске ала,

Къапай оларны ве якъа,

Озю четтен бунъа бакъа.

Чытыр-чытыр янды миллет,

Дешет, фаджиа, къыямет!

Учь кой халкъын алев ашай...

Тек таш о кунни хатырлай.

Ёкъ устюнде сойадлары,

Сийрек келе сой-соплары.

Ким хатырлар янгъанларны,

Келип окъур дуаларны?!.

Бутюн алем татлы юкълай,

Ерге тюше кунеш нуры...

Устахане ишлеп башлай,

Кокке учар чёкюч йыры!

Энвер-уста тамир япар,

Чебер эллер алтын кесер.

Керек олса, атны наллар,

Къайрар оракъ, балта, лескер!

Демир къайнар сыджакълыкътан,

Йымшар, назик олур ондан.

Чёкюч иле къонушмакътан

Дюльберлешир о гъайрыдан!

Чёкюч ура къайта-къайта,

Сеси джайрар орталыкъта.

Онынъ йыры санки айта:

«Джаным яшай шу давушта!»

Яшай онынъ «айнениси»,

Юрегимнинъ кошесинде.

Тынмаз къулагъымда сеси,

Битмез йыры ич къальбимде!

Йыллар кечер, лякин йыры,

Яшар Къырым адасында.

Чюнки битмез онынъ сыры,

Шу хош чёкюч авасында!

Таш-Аир чешмесине

Ёлум тюшти бу сене.

Токътап бир нефес алдым,

Ёлдан, эбет ёрулдым.

Таш-Аир ташы тура,

Ичинден чешме ура.

Этрафта ялдай мавы

Эфсане киби бувы.

Адет узьре, тиз чёктим,

«Бисмилля!» — деп сув ичтим...

Бир бакъсам, бир къартбаба

Адымлай манъа таба.

Бем-беяз усть-урбасы,

Къолунда бар торбасы.

Юзюнден нурлар акъа,

Козьлери манъа бакъа…

— Эй, эвлят, чокъ бекледим,

Асырларджа изледим:

Ким мында келир экен,

Ве дуа окъур экен.

Алланынъ ады иле

Бар дюньямыз тириле.

О Рахимдир эм Рахман

Ет къадрине эр заман.

Таш-Аир ташы меним

Яш замандаки теним.

Пек кучьлю пельван эдим,

Бир дюльбер къызны севдим.

Лякин олмады къысмет,

Арагъа тюшти Мемет,

Шерифени бир бейге

Сатты эки девеге.

Ярдымгъа еталмадым,

Яремни алалмадым.

Топал-бейден къачкъанда,

Ярем таш олду мында.

Анасы да янында

Къучакълап къызын айта:

— Къоркъма, эвлят, айдуттан,

Енъмез бизни бу шейтан!

Шу ташлар «Вай-вай ана»*

Инълеп тура, агълана.

Оларгьа бакъып турам

Ве озюм де эп къатам.

Тек къальбим кокюсимде

Тепрене, къатмай бере.

Ашкъ-севги атешинден

Сув акъа юрегимден.

Бу сувдан ичкен инсан

Анъсын мени шу заман.

Мен де эдим бир мумин

Эдждатларым муслимин.

Таш-Аир манъа дейлер,

Этрафым толу гуллер.

Бу сувны ичкен адам,

Олур джесюр ве сагълам...

Шу сёзлер битер-битмез,

Къарт гъайып олды тез-тез.

Бу икяени айтып,

Думангъа синъди къайтып.

Аян-беян олдум мен...

Сес келе, санки дермен**,

Айлана, дёге, ишлей...

Юрегим эп дукюльдей.

Таш-Аир ташы тура.

Ичинден чешме ура.

Этрафта ялдай мавы

Эфсане киби бувы...

Бир заманда бар экен,

Бир заманда ёкъ экен,

Айткъаным сизге ялан,

Мен ичюн керчек олгъан.

О заманда Къырымда,

Шу Бельбекнинъ боюнда,

Абкерим деген огълан

Озюне бир эв къургъан.

Эв къургъан пычма таштан,

Ташны ташыгъан дагъдан.

Бу иште ярдым япкъан

Энъ якъын досту — Осман.

Яз кечкен, йыл толмагъан,

Абкерим эвни къургъан,

Азбарын къоралагъан,

Яш тереклер отурткъан.

Гуль-багъча олду азбар,

Бар алма, армут ве нар.

Бар эрик, фындыкъ, кирез,

Къызылчыкъ, юзюм, ювез.

Койдешлери къувана

Пек тирнекли огълангъа,

Алгъышлайлар ишини,

Хайырлайлар эвини.

Бир куню, сёз сырасы,

Лафны ачты анасы:

—Абкерим, — деди, — огълум,

Бар, эвлядым, бир сёзюм.

Буюрынъ, — деди огълу.

—Эр кес Алланынъ къулу,—

Деп, сёзюн башлай ана,

—Насиат олсун санъа.

Эвинъни къурдынъ дюльбер,

Эллеринъ алтын, чебер.

Энди Алла бир келин

Бахтынъа къысмет этсин.

Бу эвинъ мекян олсун,

Эвляткъа ичи толсун.

Бахтлы-частлы яшамакъ

Буюрсын Танърым мытлакъ.

Алладан истегеним,

Шу дуадыр тек меним.

Эм унутма бир заман —

Темельден башлай Ветан…

Кель заман ве кет заман,

Динъленъ сонъу не олгъан.

Икяе энди башлай,

Арасы кече бир ай.

Кирезлер пишкен заман

Къызнен корюше огълан.

Абкерим ашыкъ ола,

Юреги къызда къала.

Йигитни гъам-къасевет

О куньден баса, эбет.

Анасы коре онынъ

Гъам тюбюнде къалгъанын.

Юреги даянамай,

Огълундан ана сорай:

— Айт, эвлядым, сен дердинъ,

Бельки бирисин севдинъ?!

Айт, сырны, ач юрегинъ,

Ким экен бегенгенинъ?

Севгини ким уянтты,

Ашкъ алевин ким якъты?

Абкерим тап титреди,

Анасы къайдан бильди,

Аджеба, онынъ дердин,

Севда олгъан юрегин!

— Вай, — деди о, шашмалап,

Не айтсын, къана джевап?

Тюшюнди, башын асты*,

Гонълюнинъ сырын ачты.

—Бильмем не олду манъа,

Джаным ер тапмай, ана.

Кечкен йылнынъ язында

Ишлер эдим багъчада,

Оюн-кулькю, тюркюлер

Ичинде кечти куньлер.

О заман бир къыз корьдим

Ве оны мен бегендим.

Бильмем, ашкъ дегени не,

Лякин, къальбиме ине

Санчылгъан киби олды,

Раатлыгъым бозулды.

—Эвлядым, сабырлы ол,

Ашкъ ёлу — гузель бир ёл.

Къысметинъ олса шу къыз

Нишанлармыз биз сёзсиз.

Экинджи куню ана

Баш къудагъа айлана.

Къаведен сонъ, о башта

Меселени анълата.

Лаф бильсенъ, лафны сёйле,

Бильмесенъ, сюкют эйле,

Тевеккель айтмагъанлар

Бу сёзлерни аталар.

Къудалыкъ саасында

Баш къуда — буюк уста,

Эвельден бу сюляле

Озь ишин гузель биле.

— Севгиге джаным къурбан,

Бу ишке сен пек къуван.

Эр шей оладжакъ, тата,—

Деп къуда сёзюн айта.

Шу ишни аль этейик,

Меселени чезейик,

Къызны нишан этмели,

Сёз кесим кечирмели.

Шай да ола амельде,

Бир куню, эрте кузьде,

Генчлерни нишанлайлар,

Адетни унутмайлар.

Сонъ агъыр нишан кече,

Той кунюн генчлер сече.

О куньден иш токътамай,

Тойгъа азырлыкъ башлай.

Сечильген кунь тез келе,

Оны беклеген биле.

Кузь битер-битмез заман

Койде буюк той олгъан.

Бутюн сой, таныш-билиш,

Тойгъа кельгенлер, эмиш.

Учь кунь той девам эткен,

Адетлер ойле экен.

Абкерим — киев бала,

Келинчек — Сайде ола.

Той кече койлеринде

Къурулып биткен эвде.

Бахт — сеадет, къуванчлар

Ичинде кече йыллар.

Гуль киби эки бала

Багъышлай Юдже Алла.

Биринджи догъа огълан,

Къоялар адын — Осман.

Экинджи догъа къызчыкъ —

Ал янакълы йылдызчыкъ.

Къызнынъ адын Пакизе

Къойдурта Зоре тизе.

Пак ады, озю гузель

Фелемен**, санки бир ель!

Эв ишинде къыз бала

Ярдымджы, эбет, ола.

Пакизеге эвинде

Тапылыр ишлер куньде.

Агъасы Осман дагъдан

Яз бою одун джыйгъан.

Пек агъыр эди иши,

Шайдыр койнинъ кечмиши.

Не олса да, о аят

Бир куню олды бербат.

Яшайыш пытракъланды,

Мешакъаткъа айланды.

О куню, саба эрте,

Абкерим алып кете

Эв малыны сатмагъа

Ве огърай бир къазагъа.

Дагъ ёлу, титис ава,

Сепелеп ягъмур ягъа.

Араба тая къырдан

Ве тюше, апансыздан.

Араба авдарыла,

Къазагъа адам къала.

Айткъанларына коре,

Шу ерде джанын бере.

Огъурсыз хабер, иште,

Шу куню эвге ете.

Къыямет къорантада,

Сой-соплар мешакъатта.

Бу агъыр вазиетте

Бабасы ярдым эте.

Абкеримнинъ эвине

Авуша къарт о сене.

Авуша, ярдым бере,

Къорантаны котере.

Аякъкъапчылыкъ япа

Аш — сувун эр кунь тапа.

Аятнынъ ёллары чокъ,

Бу лафнынъ яланы ёкъ.

Бир бакъсанъ, о кульдюре,

Бир бакъсанъ, окюндире.

Энъ буюк макъсадынъа,

Ниетинъ-мурадынъа,

Юр къулум, десе Алла,

Етиширсинъ, Иншалла.

Чокъ куньлернинъ биринде,

Сайденинъ эвлеринде

Достлары топлашкъанлар,

Субетте булунгъанлар.

— Сен, Сайде, бойле япма,

Атешке джанынъ якъма,

Эвеля, эвлятларнынъ

Тюшюн, джаным, алларын.

Яралы джангъа дерман

Энъ яхшы илядж — заман.

Сен ишке эгленип бакъ,

Бу тюшкюн алны быракъ.

Не япсын бизим Сайде?

Янында, тамам койде,

Бар эди бир ишхане...

О ишке ниетлене.

Кунни ишнен кечире,

Къорантасын девире.

Яшайыш яваш-яваш

Ёлуна тюше, къардаш.

Йыл йылны къувып оте,

Омюрлер кечип кете.

Яшайыш олду масал...

Кечкен кунни — тапсанъ ал!

Яшайыш тенбель севмез,

Тенбельнинъ иши юрмез.

Арекет эт, огге юр,

Деп талап эте омюр.

Арекетте — берекет,

Бирликте бар кучь-къудрет.

Бу сёзлерде акъикъат

Корюнип тура къат-къат.

Пек хавфлы о девирлер

Душманны кетирдилер.

Уфачыкъ бир Къырымгъа

Япышты хачлы тамгъа!

Ветангъа сокъулдылар

Къаверенкли айдутлар.

Акъ къарагъа къарышты,

Зулумлыкъ ашып-ташты.

Айдутлар асты, атты,

Койлерни басып якъты.

Эсирликке айдады,

Миллетни сакъатлады.

Сонъ, кельди «бизимкилер»,

Чокъ арзулы аскерлер.

Аскерлернен берабер,

Кельди огъурсыз хабер.

Москвада догъа къарар,

О къарар халкъны йыкъар.

Миллетнинъ — бала-къартнынъ,

Якъты-йыкъты аятын!

Дешетли баарь эди,

Битмеди халкънынъ дерди:

“Адалетли” падиша

Озь халкъына япыша.

18 майыс танъы...

Эзильди халкънынъ джаны.

О куню, саба танъда

Инъледи Ярымада.

Агълады бала-чагъа,

Анъламай тюшкен алгъа.

Ах, чектилер деделер,

Бошады догъгъан ерлер.

Халкъ толу эшалонлар,

Халкъ толу демирёллар.

Бир миллет вагонларда,

Эп кете, бильмей къайда!..

Ер тепренди, эвлядым,

Тапталды меним адым.

Ветандан сюргюн олдым,

Чет ерлерге ташландым.

Олюмлер пек чокъ эди,

Чокъ инсанлар джан берди.

Вакъытсыз олюмлерден

Халкъ зайыф олду бирден.

Ильк куньлери, о йыллар,

Къартана-къартбабалар

Джан бердилер яныкътан,

Текрарлап: “Ветан! Ветан!”

Гуняхсыз сабийчиклер

Ачлыкътан кечиндилер.

Янып куйген аналар

Агълап — сызлап къалдылар.

Акъшамдан сагъ корьгенинъ

Эшитесин ольгенин.

Сынъырсыз бир къыямет,

Къан агълай бутюн миллет,

Ач Бегават чёллери

Чокъ корьди олюлери...

— Ер инълей эди, балам,—

Деп, айта тургъан битам.

«Корьгенимизни корьменъ,

Чеккенимизни чекменъ»,

Сонъки нефеске къадар

Текрарлап кетти къартлар.

Бинъ докъуз юз къыркъ беште

Бу джиан дженки бите.

Эр кес озь эвлерине

Къавуша, эльбет, кене.

Тек къырымлы аскерге

— Къайтманъ! — дейлер, — эвлерге,

Къырымда ёкъ халкъынъыз,

Сиз Къырымны “саттынъыз”,

“Шу Къырымнынъ миллетин

Ветандан марум этинъ,

Тамырдан кесинъ неслин!”—

Деп айткъан экен Сталин.

«Сталин о шейни япмаз,

“Бабамыз” ойле айтмаз!

О бильсе алымызны,

Къорчалар акъкъымызны!

Бу иште янълышлыкъ бар,

Ич олмаз бойле къарар!

Ифтираны уйдургъан

Миллетке къаршы душман».

О йыллары, о заман

Шай тюшюнген эр инсан,

Сонъ миллет анълап башлай,

Ким нефрет онъа ашлай.

Бу — Совет укюмети,

Башлыкъларнынъ нефрети...

Эзилип келе миллет

Къыдырып акъ-адалет.

Залымлыкъ олса биле,

Халкъымыз бирлик иле

Гъурбетте аят къура,

Озь джаныны къуртара.

Биз гъурбетликте догъдыкъ,

Туз — отьмегин ашадыкъ.

Ач олдыкъ, чыплакъ олдыкъ,

Лякин аякъкъа турдыкъ.

Эр заман хатырымда,

Та генчлик аятымда

Эшитир эдим: “Къырым...

Къырым меним диярым.”

Бабамыз иштен къайтса,

Отурып масал айтса,

Салгъырны анъар эди...

Тек Къырым эди дерди.

Асретлик — буюк бир дерт,

Юрекни якъар пек серт,

Сюлюк киби эмер къанны,

Къурутыр тири джанны.

Чокъ сувлар акъып кетти,

Асретлик джангъа етти

Ве чыдамайып артыкъ

Биз Юртумызгъа къайттыкъ.

Биз къайттыкъ. Лякин олар —

Ят ерлерде къалгъанлар,

Асретлер: — Ветан! — дие,

Агълайлар янып-куе…

Гъурбетлик ерлеринде

Эбедий къалды Сайде,

Козьлерин юмды Осман,

Къырымда догъгъан арслан.

Бегават ве Акъкъургъан

Олду эбедий мекян,

Шу ерлернинъ еллери

Ёкълай бу къабирлерни.

Къырымгъа гъурбетликтен

Шу къоранта ичинден

Тек бир Пакизе къайта,

Алтмышкъа кельген бита.

Сачлары беязлангъан,

Бет-сымасы къартайгъан,

Тек къартаймагъан къальби —

Аллахтандыр себеби.

Ветангъа къайткъан битай

Арекетнен къыбырдай.

Ашыкъа эвлерине

Догъуп оськен ерине.

Аджеле, эвге таба,

Пакизе бара саба.

Эвине агълап бакъа,

Сонъ къапуны о къакъа.

Бираздан ёлкъапуда

Марушке ола пейда.

Багъырып онъа айта:

—Что вы ломитесь сюда?..

Пакизе битай онъа:

—Джекирме, сакъын, манъа,

Бу эвлер меним эвим,

Тереклер, азбар — меним.

Бу Юртум, ана — Ветан,

Чыкъмады акъылымдан,

Мен асрет эдим онъа,

Ветаным топрагъына.

Эр заманда, эр дакъкъа

Мен дуа эттим Акъкъа:

Ач, Мевлям, Ветан ёлун,

Къайтар халкъыма Юртун!

Истегим, шукюр, олды,

Халкъ Ветангъа ёл алды

Ве догъгъан ерлерине

Ерлеше миллет кене.

Бу эвим, меним эвим

Ольмедим мен, мен тирим.

Бу эвлерде мен догъдым,

Ве мындан сюргюн олдым.

Эв кене шу эв къалгъан,

Бир ери йыкъылмагъан,

Абкерим къавий таштан

Эв темелини къойгъан!

Узун лафнынъ къыскъасы:

Пакизенинъ бабасы

Къургъан эвлер сатыла...

Пакизе эвни ала.

Беш баланынъ анасы,

Он торуннынъ битасы,

Омюрининъ сонъунда

Ерлеше Ветанында.

* * *

Чокъ ерлерде сен яша,

Чокъ татлы ашлар аша,

Инсангъа Ветан — мельэм

Олгъанын яхшы билем.

Эв — къоранта мекяны,

Севип-сайынъ сиз оны.

Мекяндан башлай Ветан,

Ветанда халкъым — Султан!..

Икяе бунен бите,

Омюрлер девам эте...

Бельки сиз ичюн ялан,

Мен ичюн керчек олгъан.

На берегу Вселенной я сижу,

Здесь Океан Миров ласкает взор.

На небо изумрудное гляжу —

Там виден мне божественный узор.

Под небом голубым, средь двух морей,

Объятый волнами лежит сей край.

На целом свете нет земли родней,

Чем древний Крым — зеленый остров-рай.

Жемчужина Земли — мой милый Крым,

Ты Родина моя и здесь мой дом.

Тебя обидеть я не дам чужим,

Пусть не мечтают недруги о том.

О сказочный мой Крым, хвалю тебя,

За твой неповторимый аромат.

Живу средь этой красоты, любя,

Горжусь тобой, тобою я богат.

Величие твоё воспел поэт,

Омер воздвиг фонтан любви и слез,

А я сложил лирический куплет

И в знак любви, тебе, Крым, преподнёс.

Твой голос мне знаком,

Слова, как день, ясны.

Не раз ты пел о том,

Что дружбой мы сильны.

А сам, войдя в мой дом,

Рядил порядок свой:

И учинял погром,

И вёл свой «вечный бой».

И осуждал людей —

Всяк был виновен тут.

Вот тот народ — злодей,

За то его и бьют!

За что ты нас губил,

Наследство чьё прибрал?!

Аллах придаст мне сил

Вернуть, что ты украл!

Крым для одних курорт,

Общага для других...

Драконит люд урод,

Объединяя их.

А для меня Крым — Дом,

Отечество моё.

И не грози судом —

Я требую своё!

О, Судьба — моя подруга,

Спутник вечный для меня.

Мы должны понять друг друга,

А не спорить только зря!

Ты, Судьба, скажи всю правду:

Кто посеял зло ко мне.

Кто украл мою свободу —

Душам их гореть в огне.

Я хотел бы верить в Раду,

Да не слышат там меня.

Как убрать мне ту преграду,

Чтобы поняли меня?

Наши деды умирали,

Защищая пядь земли.

Жен, детей их выселяли,

Издевались, как могли.

Дом и Родину прибрали,

Крым никто не отдавал.

Всех их грязью обливали,

Хоть на фронте воевал.

Такова была доктрина —

У расизма сердца нет.

Начала Екатерина,

Завершил его «Совет!»

И Судьба заговорила

Тихим голосом своим:

«В том, что я с тобой творила,

Виноват не ты, а Крым.

Удивляешься ответу?

Ищешь правду? Вот она:

Краше Крыма места нету,

Вот в чём кроется «вина».

А судьба — лишь отраженье

Этой правды бытия.

Верь, за Крым идет сраженье,

Не вини ты тут себя!

И когда поймём друг друга,

Нам не страшен будет враг.

Не остудит душу вьюга,

Ты подымешь вновь свой флаг!».

Я много, может, сотни раз

Вновь задаю себе вопрос:

За что так ненавидит нас

Сосед, что горе нам принёс?

И будет ли определён

Вопросу ясному ответ.

Зачем мой мир разрушил он

И натворил так много бед?!

Народ мой покорить хотел,

Богатство растащил. Росла

Империя, народ беднел.

Крым стал ареной слёз и зла.

России необъятной сын,

Ведь Крым — не Родина твоя!

И гор, и солнечных долин

Наследником являюсь я!

Здесь всюду вижу я следы —

Печать прапрадедов моих.

И всплеск фонтановой воды

Мне шепчет голосом родных.

Пойми, твоих корней тут нет,

И быть здесь не могли они.

И Таш-Аир* тому ответ,

Длиною в сорок тысяч лет!

Во сне Россию видишь ты,

А я Зелёный остров свой:

То всё нормальные мечты,

Ведь мы соседи же с тобой.

От этой зависти дурной

Страдаем все: и ты, и я.

Россия ждёт тебя домой,

Оставь в покое здесь меня.

Я вправе сам решать судьбу,

Она Аллахом мне дана,

Не надо разжигать вражду,

Прекрасен мир, а не война!

Ты руку помощи подай—

И канут беды прошлых лет.

Народ мой возродит свой край,

Ты только не мешай, сосед!

Грачи галдят, шумят, кричат:

Мол, крымцы делают «захват».

Никак сей птице не понять —

У крымцев Крым нельзя отнять!

Чужого нам не надо, нет!

И, как сказал один поэт,

Тут зеркала печали взор

И палачу немой укор.

Грачёвой стае, милый Крым,

Никак не может быть родным.

Те птицы рождены не здесь,

У них своя отчизна есть.

Ат-Баш, Мисхор, Бурун-Кая,

Извечно Родина моя!

Сюрень, Авджы и Таш-Аир,

То крымцев неделимый мир.

Ак-Яр, Кефе, Кезлев, Солхат —

Названья сами говорят,

Что Крым всегда был крымцев край,

Столица их — Бахчисарай.

Фонтан любви не бьёт ключом,

И пыль времён тут не причём.

Иссохла горькая слеза,

Тревогой лишь полны глаза.

Грачи, уймитесь, наконец,

В желаньи наш стащить венец—

Он не грачиных гнёзд птенец!

Крым ниспослал нам сам Творец!

Высота... Вершины гор и синь небес,

Здесь не слышно крика чаек, шума волн.

Этот мир иной — лазурный край чудес,

Тут свои законы, правила и тон.

Здесь Чатал-Кая — как гордый аксакал.

Он стоит у брега моря — вечный страж.

Лишь залётный ветер достигает скал,

И ласкает горы утренний мираж.

Пришлый здесь бессилен, тут своя игра,

Миру гор подвластен человек чужой.

И тому свидетель — древняя гора,

Принебрегший этим, не уйдет живой.

Знай, неведом исполинам смерть и страх,

Тут единство гравитации лишь дух.

И невежд он разбивает в пух и прах,

И разносит по округе мрачный слух.

Сын задал мне больной вопрос:

— Откуда родом мы, отец?

И почему родился, рос,

Ты на чужбине, наконец?

За что родители твои

Живут от Родины вдали,

Кто отнял все мечты мои?

Вопросов много у Али.

—Ответить трудно мне, сынок,

Кто «стряпал» клевету – их нет.

Из лжи сплетённый тот венок

Завял, как только вспыхнул свет!

Несбыточной была мечта

«Пророков» лжи и клеветы.

—Необоснованна, пуста,

За что страдаем я и ты!

Сейчас преемники сидят,

И песни лживые поют,

И, якобы закон блюдят,

А сами ту же грязь всё льют!

И землю нашу продают,

Всем толстосумам, господа.

За нашу землю нас же бьют,

Хапуги эти без стыда!

Терпению придёт конец,

Воспрянет гордый наш народ.

Сметёт с голов их он венец

И сбросит ненавистный гнёт.

Тропинка старая ведёт

Сюда, где дед построил дом,

Где из земли родник течёт,

Родник, что с детства мне знаком.

О нём, по вечерам отец,

Не раз с тоскою вспоминал:

Как жил счастливо здесь кузнец,

Родник водою их питал.

Но вот пришла сюда беда:

Народ, что жил веками тут,

Одним лишь росчерком пера

Из Родины своей сошлют

И опустела Мать-земля

По воле злой вождей Кремля,

И не было такого дня

Чтоб Мать не позвала дитя.

То предков наших вечный зов,

Я слышу голос всех родных...

Их крик из глубины веков —

Защиту просит у живых.

Осиротевшая Земля,

Руины сёл и городов,

Они зовут к себе меня,

Здесь отчий дом, родной мой кров.

Прошли года... Вернулся я,

Живой потомок сей Земли,

Стою у, отчего жилья —

Его разрушить не смогли.

И канули в лета враги,

Преобразился мир кругом.

И не к лицу вести торги —

Чей тот родник и чей здесь дом.

Не надо вам мою страну

Своею родиною звать!

Поймите истину одну,

Что Родина одна — как мать!

...Из года в год идёт тот спор.

Весь парадокс и ужас в том:

Мою Судьбу решает вор,

Прикрыв деяния крестом!

Стон земли святых Азизов

Вдруг пронзил Бахчисарай.

Словно дух их бросил вызов

Тем, кто рушит этот край.

Крымцы встали на защиту

Погребённых тут святых,

А безбожник держит биту —

Он готов убить живых.

Он не помнит — кто, откуда —

Всё чужое примерял.

Он манкуртствует до зуда,

Разум, совесть потерял!

Нет души у этих сытых

Солдафонов на мази.

Не страшат наколки бритых,

Пусть наш дух их сам разит.

Здесь наследие народа

Хочет всех к добру взывать.

Его память — скалы входа,

Не дай Бог их подорвать.

Здесь Азизы, предки наши,

Рек духовных берега.

Будет всем намного краше,

Если их оберегать!

По воле страшного тирана

Народы многие изгнали.

Сатрапа верная охрана

Загнала всех в чужие дали.

Отечество их силой взяли,

Самих людей на смерть послали.

И пир затеяли злодеи

Во славу гибельной идеи.

Ужель забыта боль народа,

Невинных смерть и гибель рода?!

Тиран живуч... Любя урода,

В Крыму живёт его порода.

Сейчас реванша хочет кто-то,

В трясину тянет вновь, в болото,

Видать ему погибших мало,

Коль оголяет дьявол жало!

Злодею бюст поставить хочет,

И древо мира чрево точит,

Ползучий гад, чей предок — Бес,

Но неизбежна месть небес...

Город славы предков наших

Обветшал, утоп в грязи.

На обломках стен упавших

Тень былых времён скользит.

Здесь, в причудливой долине,

Голос Разума стонал.

Стон той боли и поныне

Ветер носит между скал.

Эхо горя слышно всюду,

Будто плачет вся земля.

Этот голос неподсуден,

И преследует меня.

В чем вина была народа?

В чем повинен был мой дед?

На штыках пришла «свобода»

И погас свободы свет!

На лице «свободы» этой

Тень грабительских времён.

Крым разменной стал монетой,

А народ его пленён.

Захвативший землю эту

Все разрушил, разорил.

Оправданий тому нету,

Как и горю нет мерил!

Туман окутал древний Крым,

Бушующих страстей то дым.

Не слышен здесь поэта глас

У муз очаг в дыму погас.

Ушёл от нас певец добра.

Ушёл поэт — устаз пера.

Погас как факел, как звезда.

Сверкнув, исчез он навсегда.

Мы все скорбим, во мраке день,

Жестока смерти страшной тень.

Не смог поэт допеть куплет,

Ушел, оставив светлый след.

Твой отчий дом и милый край —

Родной Албат, Бахчисарай,

Уж сколько лет тут без тебя

Бельбек, Коккозь, Бурун-Кая.

Здесь колыбель твоя, исток,

У древа жизни тут росток.

Средь гор Тавриды ты рождён,

Красой пленительной взращён.

Наш край родной, Тавэристан!

— Ты говорил: земляк, восстань!

Пусть трижды будет проклят тот,

Кто руку поднял на народ!

Чужие люди спор ведут,

Где жить народу: там иль тут?!

Кто право дал за нас решать —

Пред Богом все они грешат!

Твоё пристанище не здесь,

Печально — так оно и есть.

Седой Кавказ приютом стал —

Там пред Аллахом ты предстал.

Твоя поэзия жива,

О ней давно идет молва.

Поверь, Эмин, уж столько лет

Она нам дарит веры свет.

Я слышу голос родников —

То предков наших вечный зов.

Срывая тайны всех веков

Он разбивает цепь оков.

О, благодатная Земля,

Каких людей ты нам дала!

Их имена — созвездье муз,

Плеяда — ярких звёзд союз.

У Салгирки ивы кудри

Опустили до земли.

Что Природе люди, судьбы —

Ей подвластны короли.

Серо, скучно вдруг мне стало

Давит душу холод дня.

Солнце светит как-то вяло,

Пожелтела вся земля.

Ветер стелит тучи низко,

Волны жмутся к берегам.

Осень Жизни рядом, близко

Распахнула дверь ветрам.

Шорохом листвы опавшей,

Дождичком прохладных дней,

«Золотой порой» нам ставшей,

Осень мчится все быстрей.

Вот последний листик жёлтый

Сорвался, понёсся вдаль...

Ветер грозный и сердитый

Пролистал мой календарь.

У Салгирки ивы кудри

Опустили до земли

Сердце жаждет сильной бури,

Чтоб невзгоды все ушли...

……… . ………