Port-Arturnıñ mallesi,

Ne büyüktir qalesi.

Yığdı-aldı evlâtlarnı,

Ağlap qaldı anesi.

Ağlama, anem, ağlama, babam,

Belki çare bulunır.

Ağlama, anem, ağlama, babam,

Belki çare bulunır.

Keçti baar, keldi küz,

Ağlamaqtan şişti köz.

Port-Arturğa ketemiz,

Siz sağlıqnen qalıñız.

Ağlama, anem, ağlama, babam,

Belki çare bulunır.

Ağlama, anem, ağlama, babam,

Belki çare bulunır.

Filcan tolu suvmıdır,

Yapon yolu bumıdır?

Aman, aman, padişaim,

Etecegiñ bumıdır.

Ağlama, anem, ağlama, babam,

Belki çare bulunır.

Ağlama, anem, ağlama, babam,

Belki çare bulunır.

Maşinalar yağlandı,

Bir-birine bağlandı.

Port-Arturğa barğan soñ

Qılıç-pıçaq qayraldı.

Ağlama, anem, ağlama, babam,

Belki çare bulunır.

Ağlama, anem, ağlama, babam,

Belki çare bulunır.

Selbi kibi boyumız,

Ağlap qaldı soyumız.

Port-Arturdan qaytqan soñra,

Olur bizim toyumız.

Ağlama, anem, ağlama, babam,

Belki çare bulunır.

Ağlama, anem, ağlama, babam,

Belki çare bulunır.