Aluştadan esken yeller –

Yüzüme urdı.

Balalıqtan ösken yerler –

Közüme tüşti.

Men bu yerde yaşalmadım,

Yaşlığıma toyalmadım,

Vetanıma asret oldım,

Ey, Güzel Qırım!

Yurdim seniñ yollarıñda

Seve-seve men,

Vetanımda yaşamağa

Pek isterim men.

Alıp keldim selâm saña,

Saña asret milletimden.

Quçağını aç sen maña,

Ey, güzel Qırım!

Bağçalarnıñ meyvaları

Bal ile şerbet.

Suvlarıñnı içe-içe

Toyalmadım men.

Yeşil dağlar küldi maña,

Qaytıp keldi qırım saña,

Quçağıñı aç sen maña,

Ey, güzel Qırım!