Port Artur
Port-Arturnıñ mallesi,
Ne büyüktir qalesi.
Port-Arturnıñ mallesi,
Ne büyüktir qalesi.
Soldat ketken yaşların
Ağlap qaldı anesi.
Bağlama:
Ağlama anem, ağlama babam,
Belki çare bulunır.
Soldat ketken yaşların
Ağlap qaldı anesi.
Ağlama anem, ağlama babam,
Belki çare bulunır.
Filcan tolu suvmıdır,
Yapon yolu bumudır?
Filcan tolu suvmıdır,
Yapon yolu bumudır?
Aman, aman, padişaim,
Yapacağıñ bumıdır.
Bağlama:
Ağlama anem, ağlama babam,
Belki çare bulunır.
Selbi kibi boyumız,
Ağlap qaldı soyumız.
Selbi kibi boyumız,
Ağlap qaldı soyumız.
Port-Arturdan qaytqan soñra
Olur bizim toyumız.
Bağlama:
Ağlama anem, ağlama babam,
Belki çare bulunır.
Port-Arturdan qaytqan sonra
Olur bizim toyumız
Ağlama anem, ağlama babam,
Belki çare bulunır.