Бу икяе, энди бир афта омюр корьген, даима ач юрген, тоймагъа бильмеген ачкозь Тыртырчыкъ акъкъында. Даа догърусы, кичкене Тыртырчыкънынъ бир афталыкъ аятыны ифаде эткен икяедир…

Айдын ай нуры ярыгъында, ешиль бир япракъ устюнде уфачыкъ йымырта ятмакъта.

Базар куню, саба танъ аткъанда, янъы догъуп башлагъан кунешнинъ ильк сыджакъ нурлары чевре-четке дагъылгъан бир вакъытта, банаки йымырта «тырс!» этип чатлады. Йымыртадан кичкене къурт – славчан, яъни тоймагъа бильмеген пек ач Тыртырчыкъ чыкъты – дюньягъа кельди. Тыртырчыкъ кенди рискъини, яъни озюне емек къыдырып башлады.

О, базарэртеси куню бир дане къырмызы алма ашады. Амма тоймады, эписи бир онынъ къарыны ач къалды.

- Мен ашамагъа истейим, – деди Тыртырчыкъ. – Мен тоймадым, харыным ач.

О, салы куню эки дане ешиль армут ашады. Лякин, къарыны тоймады, кене ач къалды.

- Мен ашамагъа истейим, – деди Тыртырчыкъ. – Мен тоймадым, харыным ач.

Чаршенбе куню о, учь дане сиях эрик ашады. Лякин къарыны кене тоймады, кене ач къалды.

- Мен ашамагъа истейим, – деди Тыртырчыкъ. – Мен тоймадым, харыным ач.

Джумаакъшамы о дёрт дане къырмызы джилек ашады. Лякин, къарыны тоймады. кене ач къалды.

- Мен ашамагъа истейим, – деди Тыртырчыкъ. – Мен тоймадым, харыным ач.

О, джума куню беш дане портакъал ашады. Амма о кене де ач къалды.

- Мен ашамагъа истейим, – деди текрар Тыртырчыкъ. – Мен тоймадым, харыным ач.

Джумаэртеси куню исе, Тыртырчыкъ балабан шеколадлы торт, бир дондурма, бир дане туршу къияры, бир тилим швейцар пенири, бир тилим колбас, небет шекери (леденец), бир парча вишнели борек (пирог), бир дане сосиска, бир дане паста (пирожное) ве бир тилим къарпыз ашады…

Тыртырчыкъ энди ач дегиль, онынъ къарны токъ.

- Мен энди ач дегилим! – деди о. – Харыным токъ, ашамагъа истемейим.

Амма бу арада, о озюни алсыз сезди. Геджесинен къарыны агъырды.

- Мен алсыз алдайым! – деди Тыртырчыкъ. – Мен, гъалиба хасталандым!

Базар куню, сабадан о гузель бир ешиль япракъ ашады. Бундан сонъ Тыртырчыкъ, озюни яхшы – сагълам сезди.

- Мен энди тедаавилендим, гузель олдум! – деди Тыртырчыкъ.

О энди ач дегиль, карыны токъ. артыкъ кичик бир къуртчыкъ – Тыртырчыкъ дегиль. О, энди буюк ве семиз ягълы Тыртыр олды.

Тыртыр кенди этрафына къозакъ (кокон) ады берильген уфакъ бир эв тикледи – токъуды. Къургъан эвинде эки афталыкъ юкъугъа далды. Юкъудан

уянгъан сонъ къозакъ ичинден бир делик ачты да, кобелек сыфатында тышары чикъты.

Бойлеликнен, бизим Тыртырчыгъымыз дюльбер гузель бир Кобелекке чевирильди!