İradeli yigit-qızlar ellerinde

Tamğalı kök bayrağımız dalğalansın.

Kiyik-vahşiy qanunlarğa qarşı, sade,

Arekette, elden tüşip horlanmasın.

Yaş nesiller qorçalasın boran-yelden,

Yüksek mağrur qayalarday ebediyen,

Arslan halqım aqsızlıqqa yol bermesin,

Bayrağımız yelge qarşı yelpiresin!

Altın tüslü taraq tamğa belli ete,

Cemi halqqa birdemlikni, barışıqnı!

Tınç yaşağan memleketler ögde kete,

Serbest halqlar maqsadına tez-tez yete.

Barlığımız, temsilimiz bayrağımız,

Küreşlerde dalğalanır,tüşürmemiz.

Doğru yoldan taypınmamız, saf ketermiz,

Kelir zaman, aqsızlıqnı yoq etermiz.