Vetanimnin hoş aenki...



⇦ qaytmaq


Tapsam da anamnı

Sararğan yanaqlar,

Bürüşik manlay.

Tapsam da, men sizni,

Bir öpüp toysam.

Tapsam da, tizleriñ,

Tiziñe, ah, aman,

Bir sabiy baladay

Ah, anaçığım,

Başımı qoysam.

Bir sabiy baladay

Başımı qoysam.



Tapsam da, mulâyim

Közüñe baqsam.

Sabiylik çağımnı

Eşq ile añsam.

Sözüñni dinlemey,

Özenge qaçqan

Künlerim içün de

Ah, anaçağım,

Elâllıq alsam.



Ne tapsañ, öglügiñ

Astında saqlap,

"Dadını baq sen" dep,

Qaptırğan anam.

Men seniñ arz etken

Aşıñdan faqat,

Qaptırıp olamadım

Ah, anaçığım,

Oña pek yanam.



Yanam da, tapsaydım

Anamnı, deyim,

Yoq tapıp olmayım,

Ölgenler qaytmay.

Bu ayat qanunı –

Çare yoq, neyleyim.

Anasın yoq etken

Bir daa tapmay.