Tañrım, bizge küç-quvet ber, tözüm.

Bağışla Yeşil Yurtumızdan ğayrı

Nemiz bar bizim?!

Artıq bir-birimizge iç olmayıq zar,

Yer yüzünde bizden ğayrı

Onıñ kimi bar?

Tañrım, bir-birimizge bizni öyle qat,

Duşmanımız ayırmağa bulmasın fursat.

***

Qanlı pıçaq.

Meñlibay.

Toq çereli

Sarı ay.

Dertli Qırım

Kökünde

Dersizlikten

Yıltıray.

***

Maña teşrif buyurğance

İlham perisi, –

Sıdırıldı şiirimniñ

Qat-qat tirisi…